|
Das ist die Seite von Gustav Freudmann / Mei Liadabuach
Und mi und mi und mi(Et moi, et moi, et moi / Jacques Dutronc) Anahoib Mülliaden Chinesa gibds und mi und mi und mi. Mid mein glanan Haus in meina glanan Wöd, mid mein Hirnkasdl, des mi dauand quöhd, i wissads eh, doch i meak mas nie, Söllarie, Söllarie... A Viadlmülliade Indonesa gibds und mi und mi und mi. Mid mein Essuwie und mein Dobermau, wos so laud böhn und so vü fressn kau, i wissads eh, doch i meak mas nie, Söllarie, Söllarie... Iwa_r_a Mülliade Afrikana gibds und mi und mi und mi. Mei Haud, mei weiße, drog i ins Solarium, geh in de Sauna, doss i no ins Gwandl kumm, i wissads eh, doch i meak mas nie, Söllarie, Söllarie... Hundadfuffzg Müllionan Russn gibds und mi und mi und mi. Mid mein Boscha und mein Böanaudschdress, in mein Wossabed in da Iwagress, i wissads eh, doch i meak mas nie, Söllarie, Söllarie... Ochd Müllionan Debpadte sans und i und i und i. Waunn a Bromi schdiabd, gibds a Reararei und min Oaf samma imma leif dabei, i wissads eh, doch i meak mas nie, Söllarie, Söllarie... A Mülliade Hungaleida gibds und mi und mi und mi. Mid mein Vedschifuhd und mein Biofroß und in Alk mid den i mas Hian wegblos, i wissads eh, doch i meak mas nie, Söllarie, Söllarie... Sechshundad Müllionen Ladinos gibds und mi und mi und mi. I brauch ka Gwaund ned, waunn i amoi bodn dua, nua Nivea, an Huadt und a bissl a Ruah, i wissads eh, doch i meak mas nie, Söllarie, Söllarie... Zwarazwanzg Müllionan Süra woan's und i und i und i. Am Sunndog auf da Jogd knoi i d'Hosn o, mid meiner Buffn bin i da Greßde do, i wissads eh, doch i meak mas nie, Söllarie, Söllarie... Fuffzg Müllionan Flichdling gibds und mi und mi und mi. Jo, waunns am Neisiedla Säh mei Bood vawahd wiad scho ana kumman, wos mi aussezahd, i wissads eh, doch i meak mas nie, Söllarie, Söllarie... Zehn Drülliaden Marsiana gibds Und mi und mi und mi. Dea imma schee brav via Wochn laung schboad und am End von Monad drodsdem auf sei Knedl woadt, i wissads eh, doch i meak mas nie, Söllarie, Söllarie... I wissads eh, doch i meak mas nie, Söllarie, Söllarie... |
|
